സംസ്ഥാനത്തെ സർക്കാർ സ്വാശ്രയ കോളേജുകളിൽ Bsc നഴ്സിംഗ്,
എം.ൽ.ടി, പെർഫ്യൂഷൻ ടെക്നോളജി, ബി.പി.ടി, ഒപ്റ്റോമെട്രി,
മെഡിക്കൽ റേഡിയോളോജിക്കൽ ടെക്നോളജി ( എം.ആർ. ടി),
ബി.എ.എസ്.എൽ.പി, ബി.സി.വി.ടി, എന്നീ കോഴ്സുകളിലേക്കുള്ള
പ്രവേശനത്തിന് അപേക്ഷ ക്ഷണിച്ചു.
നഴ്സിംഗ്, എം.എൽ.ടി, ഒപ്റ്റോമെട്രി കോഴ്സുകൾക്ക് 50 ശതമാനം മാർക്കോടെ ഇംഗ്ലീഷ്, ഫിസിക്സ്, കെമിസ്ട്രി, ബയോളജി ഉൾപ്പെടുന്ന പ്ലസ്ടു പാസ് ആയിരിക്കണം.
പെർഫ്യൂഷൻ ടെക്നോളജി, ബി.സി.വി.ടി, ബി.പി.ടി, എം.ആർ. ടി കോഴ്സുകൾക്ക് 50 ശതമാനം മാർക്കോടെ ഫിസിക്സ്, കെമിസ്ട്രി, ബയോളജി ഉൾപ്പെടുന്ന പ്ലസ്ടു പാസ് ആയിരിക്കണം.
ബി.പി.ടി,യ്ക്ക് മുകളിൽ പറഞ്ഞിരിക്കുന്ന യോഗ്യതയ്ക്ക് പുറമെ ഇംഗ്ലീഷ് ഒരു വിഷയമായി പഠിക്കണം.
ബി.എ.എസ്.എൽ.പി യ്ക്ക് 50 ശതമാനം മാർക്കോടെ ഇംഗ്ലീഷ്, ഫിസിക്സ്, കെമിസ്ട്രി, ബയോളജി/ മാത്തമാറ്റിക്സ് / കമ്പ്യൂട്ടർ സയൻസ് ഉൾപ്പെടുന്ന പ്ലസ്ടു പാസ് ആയിരിക്കണം.
സാമൂഹികവും വിദ്യാഭ്യാസപരവുമായി പിന്നോക്കം നിൽക്കുന്നവർക്ക് 5 ശതമാനം മാർക്ക് ഇളവ് അനുവദിക്കും. പട്ടിക ജാതി/ പട്ടിക വർഗ വിഭാഗങ്ങൾക്ക് പാസ് മാർക്ക് നേടിയാൽ മതി.
പ്രായം ഡിസംബർ 31 നു 17 വയസ്സ് പൂർത്തിയാകണം. സർവീസ് ക്വാട്ടയിലേക്കുള്ളവർക്ക് പരമാവധി 46 വയസ്സ്.
അപേക്ഷ ഫീസ്. പൊതുവിഭാഗം - 600 രൂപ. പട്ടിക ജാതി/ പട്ടിക വർഗ വിഭാഗങ്ങൾക്ക് 300 രൂപ. ഓൺലൈൻ ആയും ചലാൻ വഴി ഫെഡറൽ ബാങ്ക് ശാഖകളിലും (ജൂൺ 16 വരെ) ഫീസ് അടക്കാം.
ഓൺലൈൻ അപേക്ഷ സമർപ്പിക്കേണ്ട അവസാന തീയതി ജൂൺ 18.
അപേക്ഷയുടെ പ്രിന്റൗട്ട് ഒപ്പിട്ട് ഫീസ് അടച്ച രസീതും സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകളും "ഡയറക്ടർ, എൽ.ബി.എസ. സെന്റർ ഓഫ് സയൻസ് ആൻഡ് ടെക്നോളജി, എക്സ്ട്രാ പോലീസ് റോഡ് പാളയം, തിരുവനന്തപുരം-33 " എന്ന വിലാസത്തിൽ ജൂൺ 20 വൈകിട്ട് 5 ന് മുൻപ് എത്തിക്കണം.
ഓൺലൈൻ അപേക്ഷ നൽകേണ്ട വെബ്സൈറ്റ് വിലാസം : https://lbscentre.in/paramedi2018/index.aspx
വിവരങ്ങൾക്ക് കടപ്പാട്: മാതൃഭൂമി